Gorsaf Bŵer Niwclear Wylfa Newydd

Mae’r dudalen hon yn gosod allan yr amserlen ar gyfer archwilio’r cais. Mae’n cynnwys y terfynau amser ar gyfer gwneud cyflwyniadau i’r Arolygiaeth Gynllunio a dyddiadau digwyddiadau a gynhelir yn ystod yr Archwiliad. Yn ogystal, mae Amserlen yr Archwiliad wedi’i gosod allan yn yr atodiad i’r llythyr rheol 8 a anfonwyd at Bartïon â Buddiant ar ddechrau’r Archwiliad.

Dangos fel calendr

Lawrlwytho calendr(ics fformat)

Dyddiad digwyddiad	Disgrifiad
24/10/2018	Gwrandawiad Mater Penodol ynglyn â’r Gorchymyn Caniatâd Datblygu Gwrandawiad Mater Penodol ynglŷn â’r Gorchymyn Caniatâd Datblygu
25/10/2018	Gwrandawiad Llawr Agored 1 Gwrandawiad Llawr Agored
25/10/2018	Gwrandawiad Llawr Agored 2 Gwrandawiad Llawr Agored
06/11/2018	Yr Awdurdod Archwilio’n cyhoeddi • Amserlen yr Archwiliad • Cwestiynau Ysgrifenedig • Hysbysiad o unrhyw wrandawiadau ac Archwiliad Safle â Chwmni
13/11/2018	Terfyn Amser 1 Y terfyn amser ar gyfer derbyn: • Canllaw’r Ymgeisydd i’r Cais • Gorchymyn Caniatâd Datblygu (DCO) draft diwygiedig yn dilyn y Gwrandawiad Mater Penodol ynglŷn â’r DCO drafft • Sylwadau ar Sylwadau Perthnasol • Crynodebau o’r holl Sylwadau Perthnasol sydd dros 1,500 o eiriau • Cyflwyno dogfennau ôl-wrandawiad, gan gynnwys unrhyw gyflwyniadau ysgrifenedig o achos a wnaed ar lafar • Ymatebion i unrhyw wybodaeth bellach a geisiwyd gan yr Awdurdod Archwilio View the documents received relating to this deadline
04/12/2018	Terfyn Amser 2 Y terfyn amser ar gyfer derbyn: • Canllaw’r Ymgeisydd i’r Cais • Datganiadau Tir Cyffredin a geisiwyd gan yr Awdurdod Archwilio • Datganiad Cyffredinedd Datganiadau Tir Cyffredin • Yr Atodlen Caffael Gorfodol • Cyflwyno’r atodlen a geisiwyd gan yr Awdurdod Archwilio mewn perthynas â buddiannau a Thir y Goron, gan gynnwys sut mae’r Ymgeisydd yn bwriadu cydymffurfio ag adran 135 Deddf Cynllunio 2008 • Cyflwyno’r atodlen a geisiwyd gan yr Awdurdod Archwilio mewn perthynas â thir ymgymerwyr statudol a thir categori arbennig a diddymu hawliau a symud cyfarpar ymgymerwyr statudol ac ati, gan gynnwys sut mae’r Ymgeisydd yn bwriadu bodloni adrannau 127, 132 a 138 Deddf Cynllunio 2008 • Matricsau Asesiad Rheoliadau Cynefinoedd yr Ymgeisydd wedi’u diweddaru i lywio’r Adroddiad ar Oblygiadau ar gyfer Safleoedd Ewropeaidd (RIES) • Atodlen Lliniaru (sy’n dwyn ynghyd yr holl fesurau lliniaru ymgorfforedig mewn un ddogfen) • Adroddiadau ar yr Effaith Leol gan unrhyw awdurdodau lleol • Sylwadau Ysgrifenedig • Ymatebion i Gwestiynau Ysgrifenedig yr Awdurdod Archwilio • Sylwadau ar y dogfennau cais wedi’u diweddaru a gyflwynwyd gan yr Ymgeisydd i ymateb i gyngor Adran 51 • Sylwadau ar y wybodaeth a gyflwynwyd gan yr Ymgeisydd ar 17 Hydref 2018 mewn perthynas â’r Ceisiadau Blastio a’r Ceisiadau Newid Symudiadau Llongau Morol • Sylwadau ar unrhyw gyflwyniadau ychwanegol a dderbyniwyd ar ôl diwedd y cyfnod Sylwadau Perthnasol • Hysbysiad o ddymuniad i siarad mewn Gwrandawiad Llawr Agored • Hysbysiad o ddymuniad i wneud sylwadau ar lafar ar y DCO drafft mewn unrhyw Wrandawiad Mater Penodol • Hysbysiad o ddymuniad i wneud sylwadau ar lafar mewn Gwrandawiad Mater Penodol • Hysbysiad o ddymuniad i fynychu Archwiliad Safle â Chwmni • Cyflwyno lleoliadau / safleoedd awgrymedig i’r Panel eu cynnwys fel rhan o’i Archwiliadau Safle Di-gwmni ac ar gyfer yr Archwiliadau Safle â Chwmni, gan gynnwys y materion i’w harsylwi yno, gwybodaeth ynghylch p’un a ellir cael mynediad i’r safle ar dir cyhoeddus a’r rhesymau dros enwebu pob safle. • Ymatebion i unrhyw wybodaeth arall a geisiwyd gan yr Awdurdod Archwilio View the documents received relating to this deadline
18/12/2018	Terfyn Amser 3 Terfyn amser i’r Awdurdod Archwilio dderbyn: • Canllaw’r Ymgeisydd i’r Cais • Atodlen Caffael Gorfodol wedi’i diweddaru • Sylwadau ar unrhyw gyflwyniadau yn ymwneud â buddiannau a Thir y Goron a chydymffurfio ag adran 135 Deddf Cynllunio 2008 a gyflwynwyd erbyn Terfyn Amser 2 • Sylwadau ar unrhyw gyflwyniad yn ymwneud â thir ymgymerwyr statudol a thir categori arbennig a diddymu hawliau a symud cyfarpar ymgymerwyr statudol ac ati • Ymatebion yr Ymgeisydd i sylwadau ar y wybodaeth a gyflwynwyd gan yr Ymgeisydd ar y Ceisiadau Blastio a’r Ceisiadau Newid Symudiadau Llongau Morol • Sylwadau ar yr Adroddiadau ar yr Effaith Leol • Sylwadau ar yr Ymatebion Ysgrifenedig ac ymatebion i sylwadau ar y Sylwadau Perthnasol • Sylwadau ar ymatebion i Gwestiynau Ysgrifenedig yr Awdurdod Archwilio • Cytundeb a106 ddraft • Ymatebion i unrhyw wybodaeth arall a geisiwyd gan yr Awdurdod Archwilio View the documents received relating to this deadline
07/01/2019	Gwrandawiad Mater Penodol 1 Y Gwrandawiad Mater Penodol cyntaf ar Faterion Economaidd-Gymdeithasol (gan gynnwys llety; addysg; iechyd; iaith; cyfraith a threfn; adloniant a thwristiaeth)
08/01/2019	Gwrandawiad Mater Penodol 2 Yr ail Wrandawiad Mater Penodol ar Faterion Economaidd-Gymdeithasol (gan gynnwys swyddi a sgiliau a’r gadwyn gyflenwi) a thraffig a thrafnidiaeth
09/01/2019	Gwrandawiad Mater Penodol 3 Yr ail Wrandawiad Mater Penodol ar y DCO drafft, gan gynnwys y Cytundeb a106 drafft
10/01/2019	Gwrandawiad Mater Penodol 4 Y Gwrandawiad Mater Penodol cyntaf ar Fioamrywiaeth (Ecoleg Ddaearol; Adar; Gwaith Morol ac effeithiau amgylcheddol; HRA)
11/01/2019	Gwrandawiad Mater Penodol 5 Yr ail Wrandawiad Mater Penodol ar Fioamrywiaeth (Newid Arfordirol; Newid yn yr Hinsawdd; Effeithiau Trawsffiniol)
17/01/2019	Terfyn Amser 4 • Canllaw’r Ymgeisydd i’r Cais • Atodlen Caffael Gorfodol wedi’i diweddaru • Unrhyw gadarnhad ysgrifenedig sy’n ofynnol gan y Goron mewn perthynas ag adran 135 Deddf Cynllunio 2008 sy’n darparu cadarnhad dogfennol nad oes unrhyw fuddiannau’n gysylltiedig a/neu fod Awdurdod y Goron yn cydsynio • Hysbysiad o ddymuniad i siarad mewn Gwrandawiad Caffael Gorfodol • Cyflwyniadau ôl-wrandawiad gan gynnwys cyflwyniadau ysgrifenedig o achosion llafar • Sylwadau ar Geisiadau am Newid yn ymwneud â'r wybodaeth a gyflwynwyd gan yr Ymgeisydd erbyn Terfyn Amser 1 (13 Tachwedd 2018) mewn perthynas ag Dydd Iau 17 Ionawr 2019 REP1-014; REP1-016; a REP1-017 • Ymatebion i unrhyw wybodaeth arall a geisiwyd gan yr Awdurdod Archwilio
30/01/2019	Yr Awdurdod Archwilio yn cyhoeddi • Cwestiynau Ysgrifenedig Ychwanegol yr Awdurdod Archwilio (os cânt eu cyflwyno)
12/02/2019	Yr Awdurdod Archwilio yn cyflwyno • Hysbysiad o unrhyw Wrandawiadau
12/02/2019	Terfyn Amser 5 Terfyn amser ar gyfer derbyn: • Canllaw’r Ymgeisydd i’r Cais • DCO drafft diwygiedig yr Ymgeisydd • Atodlen Caffael Gorfodol wedi’i diweddaru • Atodlen Lliniaru wedi’i diweddaru (sy’n dwyn ynghyd yr holl fesurau lliniaru ymgorfforedig mewn un ddogfen) • Ymatebion i Gwestiynau Ysgrifenedig Ychwanegol yr Awdurdod Archwilio (os yw’n berthnasol) • Ymatebion i unrhyw wybodaeth arall a geisiwyd gan yr Awdurdod Archwilio View the documents received relating to this deadline
13/02/2019	Archwiliad Safle â Chwmni Archwiliad Safle â Chwmni
14/02/2019	Archwiliad Safle â Chwmni 2 Archwiliad Safle â Chwmni
19/02/2019	Terfyn Amser 6 • Canllaw’r Ymgeisydd i’r Cais • Sylwadau ar ymatebion i Gwestiynau Ysgrifenedig Ychwanegol yr Awdurdod Archwilio (os yw’n berthnasol) • Datganiadau Tir Cyffredin terfynol • Datganiad Cyffredinedd Datganiadau Tir Cyffredin terfynol • Cytundeb a106 wedi’i ddiweddaru • Ymatebion i unrhyw wybodaeth arall a geisiwyd gan yr Awdurdod Archwilio View the documents received relating to this deadline
04/03/2019	Gwrandawiad Caffael Gorfodol Gwrandawiad Penodol ar Ardal Ddatblygu Wylfa Newydd (WNDA)
05/03/2019	Gwrandawiad Caffael Gorfodol Gwrandawiad Caffael Gorfodol
05/03/2019	Gwrandawiad Llawr Agored Gwrandawiad Llawr Agored (Noswaith)
06/03/2019	Gwrandawiad Mater Penodol Gwrandawiad Penodol: • ar y DCO drafft a Cytundeb Adran 106 drafft
07/03/2019	Gwrandawiad Mater Penodol Gwrandawiad Penodol ar Safle arfaethedig cyfleusterau ar gorsafoedd pŵer oddi ar y safle a safleoedd datblygu cysylltiedig eraill y tu allan I WNDA.
08/03/2019	Gwrandawiad Mater Penodol Gwrandawiad Penodol ar Fioamrwyiaeth (HRA, Ecoleg Daerol; Adar; Gwaith Morol ac effeithiau amgylcheddol; Newid Arfordirol)
14/03/2019	Terfyn Amser 7 Terfyn amser ar gyfer derbyn: • Canllaw’r Ymgeisydd i’r Cais • Atodlen Lliniaru derfynol (sy’n dwyn ynghyd yr holl fesurau lliniaru ymgorfforedig mewn un ddogfen) • Dogfennau ôl-wrandawiad, gan gynnwys unrhyw gyflwyniadau ysgrifenedig o achos a wnaed ar lafar • Ymatebion i unrhyw wybodaeth arall a geisiwyd gan yr Awdurdod Archwilio View the documents received relating to this deadline
25/03/2019	Terfyn Amser 8 Terfyn amser ar gyfer derbyn: • Canllaw’r Ymgeisydd i’r Cais • Atodlen Caffael Gorfodol Derfynol • Fersiwn derfynol wedi’i diweddaru o’r Llyfr Cyfeirio • DCO drafft terfynol i’w gyflwyno gan yr Ymgeisydd ar y templed Offeryn Statudol (OS) gyda’r adroddiad dilysu • Cytundeb a106 diweddorol • Ymatebion i unrhyw wybodaeth arall a geisiwyd gan yr Awdurdod Archwilio View the documents received relating to this deadline
27/03/2019	Yr Awdurdod Archwilio yn cyhoeddi • Yr Adroddiad ar Oblygiadau ar gyfer Safleoedd Ewropeaidd (RIES)
03/04/2019	Dyddiad a gedwir i’r Awdurdod Archwilio gyflwyno • Ceisiadau am unrhyw wybodaeth bellach o dan Reol 17 (os yw’n ofynnol)
10/04/2019	Terfyn Amser 9 Terfyn amser ar gyfer derbyn: • Canllaw’r Ymgeisydd i’r Cais • Sylwadau ar y RIES • Cytundebau s106 wedi'u llofnodi • Ymatebion i unrhyw wybodaeth arall a geisiwyd gan yr Awdurdod Archwilio View the documents received relating to this deadline
17/04/2019	Terfyn Amser 10 Terfyn amser ar gyfer derbyn: • Canllaw’r Ymgeisydd i’r Cais • Sylwadau ar y RIES • Ymatebion i unrhyw wybodaeth arall a geisiwyd gan yr Awdurdod Archwilio View the documents received relating to this deadline
23/04/2019	Mae gan yr Awdurdod Archwilio ddyletswydd i gwblhau archwilio’r cais erbyn diwedd y cyfnod o 6 mis sy’n dechrau ar y diwrnod ar ôl cau’r Cyfarfod Rhagarweiniol.
23/04/2019	Archwiliad wedi cau

Cam Arholiad – Cwestiynau Cyffredin

Beth yw’r Archwiliad?
- Mae Awdurdod Archwilio’n edrych ar y materion allweddol sy’n codi o gais am Orchymyn Caniatâd Datblygu. Mae’r Awdurdod Archwilio’n Arolygydd unigol neu’n banel sy’n cynnwys hyd at bum Arolygydd, a benodir gan yr Ysgrifennydd Gwladol.
- Mae’r Awdurdod Archwilio’n ystyried cynrychiolaethau a wnaed yn ysgrifenedig gan yr Ymgeisydd a Phartïon eraill â Buddiant, ac yn gyffredinol bydd yn gofyn cwestiynau ysgrifenedig i egluro pwyntiau a godwyd a chael rhagor o dystiolaeth. Mewn rhai amgylchiadau, mae’n bosibl y bydd gwrandawiadau’n cael eu cynnal lle y caiff yr Ymgeisydd a Phartïon eraill â Buddiant siarad. Pan fydd yr Archwiliad wedi dod i ben, bydd yr Awdurdod Archwilio’n ysgrifennu adroddiad sy’n nodi ei gasgliadau a’i argymhellion mewn perthynas â’r cais. Yna, anfonir yr Adroddiad Argymhellion at yr Ysgrifennydd Gwladol perthnasol. Yr Ysgrifennydd Gwladol perthnasol sy’n penderfynu p’un ai rhoi caniatâd datblygu ai peidio.
Sut mae’r Archwiliad yn cael ei gynnal?
- Mae’r archwiliad o gais yn dechrau ar ddiwrnod olaf y Cyfarfod Rhagarweiniol ac mae’n rhaid iddo gael ei gwblhau o fewn chwe mis. Proses ysgrifenedig yn bennaf yw’r Archwiliad, wedi’i seilio ar Gynrychiolaethau Perthnasol a Chynrychiolaethau Ysgrifenedig a gyflwynwyd gan Bartïon â Buddiant, a’r ymatebion ysgrifenedig i gwestiynau a ofynnwyd gan yr Awdurdod Archwilio.
- Oherwydd cyflwyniadau ysgrifenedig yw’r prif fodd o roi tystiolaeth i Awdurdod Archwilio, mae’n rhaid i chi wneud unrhyw bwyntiau yn ysgrifenedig cyn y terfynau amser a osodwyd gan yr Awdurdod Archwilio yn Amserlen yr Archwiliad.
- Mae hefyd yn bwysig deall y dylai’r hyn a ddywedwch mewn unrhyw wrandawiadau a gynhelir fod wedi’i seilio ar gynrychiolaeth ysgrifenedig a wnaethoch yn flaenorol.
Sut gall Partïon â Buddiant ddarparu Cynrychiolaethau Ysgrifenedig manylach?
- Mae pawb sydd wedi cofrestru fel Parti â Buddiant trwy wneud Cynrychiolaeth Berthnasol mewn perthynas â chais yn cael y cyfle i ddarparu Cynrychiolaethau Ysgrifenedig manylach. Dylai Cynrychiolaethau Ysgrifenedig gael eu cefnogi gan dystiolaeth berthnasol a’u darparu erbyn y terfyn amser a nodir yn Amserlen yr Archwiliad. Gellir gwneud hyn trwy anfon neges e-bost i gyfeiriad e-bost y prosiect, sydd ar gael ar dudalen y prosiect ar y wefan Cynllunio Seilwaith Cenedlaethol. Gallwch hefyd bostio’ch Cynrychiolaethau Ysgrifenedig i’r cyfeiriad canlynol: Cynllunio Seilwaith Cenedlaethol, Temple Quay House, Temple Quay, Bryste BS1 6PN.
- Rhowch enw’r cais y mae’ch Cynrychiolaeth Ysgrifenedig yn ymwneud ag ef ar eich cyflwyniad yn eglur, ynghyd â’ch cyfeirnod unigryw, a fydd wedi cael ei nodi yn y llythyr yn rhoi gwybod i chi am y Cyfarfod Rhagarweiniol. Os nad yw’r llythyr hwn gennych chi mwyach, cysylltwch â’n Desg Gymorth ar 0303 444 5000 cyn cyflwyno’ch cynrychiolaeth.
- Gwnewch yn siwr eich bod chi’n postio neu’n e-bostio eich Cynrychiolaeth Ysgrifenedig mewn da bryd er mwyn i ni ei derbyn erbyn y terfyn amser a nodir yn Amserlen yr Archwiliad. Cofiwch mai diben Cynrychiolaethau Ysgrifenedig yw rhoi cyflwyniadau (a thystiolaeth ategol) i’r Awdurdod Archwilio ynglŷn â materion sy’n bwysig ac yn berthnasol i ystyried y cais. Cewch ddarparu cymaint neu gyn lleied o fanylion ag y dymunwch yn eich Cynrychiolaeth Ysgrifenedig, ond mae’r Awdurdod Archwilio’n fwy tebygol o roi pwys i’r gynrychiolaeth os yw’n benodol ac wedi’i hategu gan dystiolaeth.
- Gallwch hefyd wneud sylwadau ar Gynrychiolaethau Ysgrifenedig a wnaed gan Bartïon eraill â Buddiant o fewn y terfyn amser a osodwyd yn Amserlen yr Archwiliad. Gallwch wneud hyn drwy’r post neu drwy e-bost. Yn y naill achos neu’r llall, dylech sicrhau eich bod yn cynnwys: (i) enw’r cais y mae’r gynrychiolaeth yn ymwneud ag ef; (ii) eich cyfeirnod unigryw; a (iii) chyfeirnod y Gynrychiolaeth Ysgrifenedig rydych chi’n gwneud sylwadau arni. Bydd yr Arolygiaeth Gynllunio’n rhoi cyfeirnod unigryw i bob Cynrychiolaeth Ysgrifenedig a dderbynnir (a holl Ddogfennau eraill yr Archwiliad). Darperir y cyfeirnodau hyn yn Llyfrgell yr Archwiliad a gynhyrchir ar gyfer pob cais ac sydd ar gael o dan y tab Dogfennau ar dudalen we berthnasol y prosiect.
- Yn ôl y gyfraith, mae’n ofynnol i ni sicrhau bod copïau o gynrychiolaethau (a sylwadau ar gynrychiolaethau) ar gael i’w gweld gan y cyhoedd. Gwneir hyn trwy gyhoeddi’r holl gynrychiolaethau a sylwadau ar ein gwefan. Os byddwch yn cyflwyno cynrychiolaeth neu sylw, bydd y manylion a gyhoeddir ar ein gwefan yn cael eu cyfyngu i’ch enw a thestun/ cynnwys graffigol eich cynrychiolaeth. Byddwn yn dileu unrhyw wybodaeth bersonol am drydydd partïon os credwn nad ydynt wedi rhoi eu caniatâd i’w gwybodaeth bersonol gael ei chynnwys yn y gynrychiolaeth. Darllenwch ein Hysbysiad Preifatrwydd sy’n esbonio sut y byddwn yn storio a defnyddio eich data.
- Bydd unrhyw beth yr ydych eisoes wedi’i ddweud yn eich Cynrychiolaeth Berthnasol gynharach, a wnaed pan gofrestroch â’r Arolygiaeth Gynllunio, yn cael ei ddarllen gan yr Awdurdod Archwilio. Felly, nid oes angen darparu Cynrychiolaeth Ysgrifenedig arall yn ystod yr Archwiliad os ydych yn credu bod eich Cynrychiolaeth Berthnasol gynharach yn cynnwys yr holl fanylion yr oeddech eisiau eu darparu.
- Sylwer y caiff yr Awdurdod Archwilio ddiystyru cynrychiolaeth sy’n flinderus neu’n wacsaw yn ei farn ef, neu’n ymdrin â rhinweddau materion polisi cenedlaethol a gynhwysir mewn Datganiadau Polisi Cenedlaethol (NPSs). Mae NPSs dynodedig eisoes wedi bod yn destun ymgynghoriad a chymeradwyaeth seneddol ac nid rôl yr Archwiliad yw trafod rhinweddau polisi cenedlaethol.
A allaf ddarparu Cynrychiolaeth Ysgrifenedig hyd yn oed os na chyflwynais Gynrychiolaeth Berthnasol ddilys?
- Cewch ysgrifennu at yr Arolygiaeth Gynllunio, ond os nad ydych wedi cofrestru fel Parti â Buddiant trwy wneud Cynrychiolaeth Berthnasol, nid oes sicrwydd y bydd eich sylwadau’n cael eu hystyried. Er bod gan yr Awdurdod Archwilio ddisgresiwn i dderbyn Cynrychiolaethau Ysgrifenedig gan bobl nad ydynt wedi cyflwyno Cynrychiolaeth Berthnasol ddilys, ni ddylid dibynnu ar hyn oherwydd nid oes gan bobl nad ydynt yn Bartïon â Buddiant hawl gyfreithiol i gymryd rhan.
- Os nad ydych wedi cofrestru fel Parti â Buddiant, gallwch hefyd ystyried ymlynu wrth unigolyn neu sefydliad sydd eisoes wedi cofrestru a dod yn Barti â Buddiant, os oes ganddo safbwyntiau tebyg i chi, fel y gall fynegi eich safbwyntiau ar eich rhan.
- Os dewiswch wneud hyn, gallech hefyd ddymuno gofyn i’r unigolyn neu’r sefydliad hwn roi gwybod i chi am gynnydd y cais, oherwydd bydd yr Awdurdod Archwilio’n ysgrifennu’n uniongyrchol at Bartïon â Buddiant yn unig ynglŷn â hyn.
Beth yw’r gwahanol fathau o wrandawiadau?
- Gwrandawiadau Materion Penodol:Cynhelir y gwrandawiadau hyn dim ond os yw’r Awdurdod Archwilio o’r farn eu bod yn angenrheidiol i sicrhau bod mater yn cael ei archwilio’n ddigonol neu er mwyn i Barti â Buddiant gael cyfle teg i gyflwyno ei achos. Mewn Gwrandawiad Mater Penodol, gall unrhyw Barti â Buddiant wneud cynrychiolaethau ynglŷn â’r mater penodol sy’n cael ei ystyried.
- Gwrandawiadau Llawr Agored:Gall unrhyw un sydd wedi cofrestru fel Parti â Buddiant trwy wneud Cynrychiolaeth Berthnasol, neu Bartïon eraill â Buddiant (h.y. unigolion â buddiant cyfreithiol mewn tir yr effeithir arno a chyrff statudol) ofyn am y gwrandawiadau hyn. Mae’n rhaid i geisiadau gael eu gwneud erbyn y terfyn amser a osodwyd gan yr Awdurdod Archwilio yn Amserlen yr Archwiliad.
- Yn y gwrandawiad, gall unrhyw un sy’n Barti â Buddiant roi tystiolaeth lafar yn seiliedig ar eu Cynrychiolaeth Berthnasol neu Gynrychiolaeth Ysgrifenedig.
- Gwrandawiadau Caffael Gorfodol:Mae’r rhain yn cael eu cynnal ar gais unrhyw un sydd â buddiant cyfreithiol mewn tir yr effeithir arno gan y Datblygiad Arfaethedig. Dim ond yr ‘Unigolion yr Effeithir Arnynt’ a’r Ymgeisydd sydd â’r hawl i ofyn am Wrandawiad Caffael Gorfodol a chael eu clywed ynddo. Mewn unrhyw wrandawiadau, bydd yr Awdurdod Archwilio’n rheoli’r trafodion a gallai osod terfyn amser ar gyfer cyfraniadau er tegwch i bawb sy’n cymryd rhan.
Pwy sy’n gallu mynychu gwrandawiadau?
- Bydd unrhyw un sy’n Barti â Buddiant mewn perthynas â chais yn cael gwybod yn ysgrifenedig gan yr Arolygiaeth Gynllunio am amserau, dyddiadau, a lleoliadau gwrandawiadau. Cyhoeddir y manylion hefyd ar dudalen berthnasol y prosiect ar y wefan Cynllunio Seilwaith Cenedlaethol.
- Cynhelir cyfarfodydd yn gyhoeddus, ond er mwyn i ni allu cynllunio ar gyfer hyn yn briodol, gofynnwn i bawb sy’n dymuno mynychu gwrandawiad penodol roi gwybod i ni o flaen llaw trwy gysylltu â Thîm Achos y prosiect. Os nad oes llawer o le yn y lleoliad, mae’n bosibl y bydd angen i’r Arolygiaeth Gynllunio gynnig sedd i Bartïon â Buddiant cyn aelodau eraill o’r cyhoedd.
A allaf siarad mewn unrhyw wrandawiadau?
- Caiff unrhyw Barti â Buddiant siarad mewn Gwrandawiad Llawr Agored neu Wrandawiad Mater Penodol, yn amodol ar y ffordd y mae’r Awdurdod Archwilio’n cynnal y gwrandawiad. Dylai unrhyw barti sy’n dymuno siarad, ac nad yw eisoes wedi rhoi gwybod yn ysgrifenedig i’r Arolygiaeth Gynllunio o’i ddymuniad i wneud hynny, roi gwybod i aelod o staff yr Arolygiaeth cyn gynted ag y bydd yn cyrraedd y gwrandawiad. Bydd yr Awdurdod Archwilio’n cadarnhau p’un a ellir caniatáu’r cais hwn ai peidio ar ddechrau’r gwrandawiad neu wrth i faterion perthnasol gael eu harchwilio.
- Dim ond yr Ymgeisydd ac Unigolion yr Effeithir Arnynt sydd â’r hawl i wneud cynrychiolaethau llafar mewn Gwrandawiad Caffael Gorfodol.
- Mewn unrhyw wrandawiad, ni fydd ailadrodd yr un pwyntiau’n cynorthwyo’r Awdurdod Archwilio. Felly, pan fydd sawl unigolyn neu sefydliad yn dymuno gwneud yr un pwynt, fe’u hanogir i enwebu cynrychiolydd i siarad ar eu rhan.
Beth yw’r Adroddiad ar yr Effaith Leol?
- Mae Adroddiadau ar yr Effaith Leol (LIR) yn cael eu cynhyrchu gan awdurdodau lleol y mae Datblygiad Arfaethedig wedi’i leoli yn eu hardal; neu gan unrhyw awdurdod lleol sy’n rhannu ffin ag awdurdod lleol cynhaliol. Mae’n rhaid i’r Awdurdod Archwilio ystyried y LIR(s) wrth wneud ei argymhelliad i’r Ysgrifennydd Gwladol perthnasol, ac mae’n rhaid i’r Ysgrifennydd Gwladol ystyried y LIR(s) wrth wneud ei benderfyniad ynglŷn â’r cais.
- Gall LIRs ar y cyd gael eu cynhyrchu gan ddau awdurdod lleol neu fwy, er enghraifft pan fydd cynghorau sir a dosbarth ar gyfer yr ardal y mae Datblygiad Arfaethedig yn effeithio arni. Mae LIRs yn amlinellu’r effaith y mae’r awdurdod(au) lleol yn credu y bydd y Datblygiad Arfaethedig yn ei chael ar eu hardal leol/eu hardaloedd lleol. Bydd yr Awdurdod Archwilio’n cynnwys terfyn amser ar gyfer derbyn y LIR yn Amserlen yr Archwiliad.
Sut gallaf wneud sylwadau ar yr Adroddiad ar yr Effaith Leol?
- Pan fydd LIR wedi cael ei dderbyn, fe’i cyhoeddir ar dudalen berthnasol y prosiect ar y wefan Cynllunio Seilwaith Cenedlaethol. Gall Partïon â buddiant wneud sylwadau ar y LIR a bydd y terfyn amser ar gyfer hyn yn cael ei gyhoeddi yn Amserlen yr Archwiliad. Pan fydd y terfyn amser wedi mynd heibio, bydd yr holl sylwadau a wnaed ar y LIR erbyn y terfyn amser yn cael eu cyhoeddi ar dudalen berthnasol y prosiect ar y wefan Cynllunio Seilwaith Cenedlaethol.

Mae Nodyn cyngor 8.5 yn rhoi mwy o wybodaeth am yr Archwiliad.